تَئی کہ وَہدے زَہیر زُوریت
دِل ءَ را دَردانی تیر زُوریت
تَو دَرد بَکش ءِ یا داد بَکش ءِ
بِدئے تَو ھَرچی پَکیر زُوریت
مَنی ماں کَبر ءَ بَیَیت جُست ءَ
سَبَکّے مُنکِر نَکیر زُوریت
کَدێنا چِلتَن بیت نَپت ءِ باہۆٹ
کَدێنا بۆلان ءَ بیر زُوریت
مَنی اِے کَلمانٹاں واہَگانا
کَدی مُرادانی سیر زُوریت
دِلانی وَہد ءِ کَپۆت نال اَنت
مۆتکے سَبزێں کَہیر زُوریت
مَن نَدراں مُمتاز ھما دَمان ءِ
گُشاں مَن ھَرچی بِزیر زُوریت
<سترُنگ><اِم>مُمتاز اِیسُپ