گْوات ءِ ھَمراہ باں
چۆ تَئی بیکانی ماں شانتَگێں وَژبۆاں
گۆں بَزێں جَمبَراں
دێم پہ کۆہاں رَواں
مُہکَمێں سَنگَراں
تَنکێں ژیمب ءُ گَراں
بُرزێں سَرٹُلّ ءُ شَتکێں ڈَلانی سَر ءَ
شِنگ باں ھَر گْوَر ءَ
چۆ وَتی مَکَّہێں گُلزِمین ءِ شَہیدانی ھۆن ءِ وَڈ ءَ
گیر کاراں مَزَنزَہرَگێں اَگبَر ءَ
کُلّ ھما کہ وَتَن مات ءِ راہ ءَ شُت اَنت
سِنگ ءُ ڈۆکاں مَن چُکّان ءُ داراں دِل ءَ
چۆ کہ شۆہاز ءِ پِر بَستَگێں لَچَّہاں
مَن مَباتاں مَنی مَہرَمێں ھَمبَلۆ چینچو جَلدی شُت ئے
مَرگ بَرہَکّ بلے زِندَگی چۆن کن ئے
اِے سَپَر اێوک ءَ بُرَّگی اِنت مَن ءَ
<اِم><سترُنگ>مُبارِک کازی