(سَوت)
لاڈ لَڈ، لَڈ لاڈ لَڈ
مَنی سَبز ءَ بُگُش، مَن ءَ وَشّ نَبیت
دُور مَرَو، دُور مَنِند
مَن ءَ بے تَو نَبیت
مَن ءَ چَہ وَت مَسِند
تَئی لۆگ ءِ دَپ ءَ
تَئی تاپ اِنت گُشاں
مَن ءَ گُمسار کَنت
جانی تَئی گُلّ ءِ نِشاں
لاڈ لَڈ……
مَن سِند ءَ رَواں
شَنکُن لال ءِ سَر ءَ
پَر تَو کَولے کَناں
جانی مَن گْوَسکے کُشاں
لاڈ لَڈ……
تَرا داراں دِل ءَ
جانی مَن ٹیٹُک چِناں
پہ تَو مَن جِہلُم ئے
سۆنی مُتّاں گِراں
لاڈ لَڈ…۔۔
مَنی سَرتاج دِل ءِ
مَنی ھُسن ئے ھُدا
بِکَند تَئی کَندَگاں
شَنکُن لَکّ اَنت بَہا
لاڈ لَڈ……
بَرے تَو سَسّی ئے
بَرے بَمبُور آں مَن
بَرے مَجبُور ئے تَو
بَرے مَجبُور آں مَن
لاڈ لَڈ……
بَرے مَن شَئے مُرید
بَرے تَو ھَنُل ئے
مَن آں بَرّ ءِ کَہُور
مَنی آس تَو دِل ئے
لاڈ لَڈ……
مَنی کابَہ ءُ دۆست
مَنی کۆہِ مُراد
مَن ءَ اێر کَن دِل ءَ
مَن ءَ گۆں وَت بِدار
لاڈ لَڈ……
بِزیر سَرباز تَئی
جِنِ(کّ) شیراز تَئی
تَئی کێچ ءُ نِہِنگ
جِنِ(کّ) تَئی زاہِداں
لاڈ لَڈ……
<سترُنگ><اِم>گُلام ھُسَین شۆہاز