دِل ءِ ھَواریا مَرچاں گُش ئے زُباں پْرُشتَگ
ھَمے ھَبَر کہ 'مَن تَہنا آں' ماں جَہاں پْرُشتَگ
چۆ واب ءُ آگَہی ءَ یَکّێں دَرد ھَمراہ اِنت
کہ ھۆن مَنگِہێں تێگے ماں دیدَگاں پْرُشتَگ
چِتَورێں لاگَرێں شێنکے نَشَنزیت سَبزێں تاک
چِتَورێں رۆچ پہ تُنّیگێں ساہِگاں پْرُشتَگ
مَن آس ءُ آپ نَچاراں پہ واب دیدے ءَ
پہ سِتک ءُ جَزم بُگُش کہ مَنی گُماں پْرُشتَگ
کئے ءَ تاں مَہشَر ءَ پَہرێزِتَگ وَتی اَرواہ
بُگُش تَئی پُشت ءَ کَئی نام رَہسَراں پْرُشتَگ
بِزاں کہ مَن وَتی اَرواہ ءِ دَرد ءَ سَرپَد باں
مَنی ھَیال اَگاں زێمِرے لَداں پْرُشتَگ
مَن اَنچ اِشکُتَگ بِسمِل بَگُپتِ پیرێناں
دِل ءِ تَوار کہ گۆشاں مَیَیت بِزاں پْرُشتَگ
<سترُنگ><اِم>مَنزُور بِسمِل