چۆ ھُدانِدارگێں دید پہ نَسرَپتَگێں گُلاباں
اِے ھَوَسمَلامێں وَہد ءَ وَتی ھاجَت ءِ وَڈ ءَ باں
ھَمے کِشک تالِہانی کہ ھَوار بَنت دَمانے
پَدا کئے بِزانت بارێں، تَو کُج ءَ ئے مَن کُج ءَ باں
مَن نَگُشتَگ چۆش ھِجبَر کہ مئے زِند مَرگ یَکّ اَنت
مَن دِل ءَ نَجێڈِتَگ کہ تَو وَتی! مَن پہ وَت ءَ باں
مَنی شۆد ساہِگ ءَ اِنت تَئی سُور وَشّێں رۆچ اِنت
تَو کُجام گَم ءَ نَگرێو ئے، مَن کُجام ھَیال ءَ واب آں
پہ شُبێں اَرس نۆد اِنت، پہ سِکێں دِل دو ٹُکُّر
پہ نِگاہے بُن گِراں مَن، ھما مَہرَم ءَ ھِساب آں
<سترُنگ><اِم>مَنزُور بِسمِل