گال بُنگِش ءُ بُنگێج جَہاندار ءُ جَہان ءِ
بے گال ءَ جَہاں ھِچّی ءُ بے نام جَہاندار
گال نام مَنی، نام تَئی، نام ھُدا ءِ
بے گال ءَ مَن ءُ تَو ءُ ھُداوَند مُجاں گار
گال بُنگِش اِنت ھَر چیزے ءِ، گال آسار اِنت دْرُست ءِ
گال مْیانجی ئے تَوجیل اِنت ءُ سَرکاری ءِ گِردار
بے گال ءَ نَبیت گُپت، نَبیت گُپت نَبیت کِرد
گال اَنت کہ گُپتار بَنت، گُپتار بَنت کِردار
گال پاکێں کِتاب اَنت ءُ ھُداوَند ءِ گُلێں تراں
گال اَنت کہ بِزانتِش بَرے پِہنام بَرے آشکار
گال اَنگَر ءُ گال تْرۆنگَل ءُ گال بْرِتکَگێں بیر اَنت
گال تْراپکُنێں تْرَمپ، سِچکانێں سَسّا گُل ءُ گُلکار
سَد بَژن کہ سِلگاریاں گال کُرتَگ اَنت پۆلِنگ
گَنجے کہ گِہێں گال پَلَک شُشتَگ ءُ پَلگار
<سترُنگ><اِم>سَیَد ھاشُمی