سَر سُچَگ بے نَنگیے بے آسَرێں،
پَہک سُتکێن ئے
کہ پُر تَئی سْریمُگێں،
دَشت ءِ گَرماگی شَمالاں رُپتِت اَنت،
چَنڈِتێنَنتِش
ماں مِسکێں کیلَگاں
پہ مَڈاہ
ھَر پْرُشتَگێں پۆڈ ءِ شَم ءَ ،
نۆکێں زِند ءِ نۆکێں دَہلاں جَہ جَتێں،
بُنشُتێں وامان ءُ بے رانی پَدا
بیڈ بُرتێنِش
پہ جَورێں دُژمِن ءَ ،
گۆں مَلَندرۆہ ءُ مَزاری پَنجَگاں،
بِلّ ئِے چُکچێن ءُ دَیارسۆچِش کُتێں،
تاکہ
پۆلِنگِش بِشُشتێن اَنت تَئی،
آس دَئے
آس دَئے بے نَنگی ئے زِند ءَ وَتی،
شَرّ بِسۆچ ءُ شَرّ بِسُچ
کہ سَر سُچَگ،
سَر سُچَگ
بے نَنگیے بے آسَرێں

<سترُنگ><اِم>سَیَد ھاشُمی

بَہرِن ءِ تْرَہجاہ
10-جُلائی-1960
10-Jolái-1960