ماس رَنجی پہ شَنکزیریا
گُہار بی کۆر اَچ زَہیری ءَ
دۆست گَمباد بی شَ دیری ءَ
چۆ نَکَرزی اِے گِہگِہێں اِمبرۆز

ماہِکاں بْرَمش کاں وَتی شار ءَ
چۆن! شَپ ءَ پُلّ جَنت ماں گیوار ءَ
پَرچے ھُشک ئے چۆ چِلَّگ ءِ دار ءَ
چۆ نَکَرزی اِے گِہگِہێں اِمبرۆز

بْیا کہ نۆشاں ھُماریێں کَیپاں
بْیا شَمۆشاں دَمے گَم ءُ رَنجاں
بْیا کہ آرامِ دِل دَمے نِنداں
چۆ نَکَرزی اِے گِہگِہێں اِمبرۆز

دَرد ءُ دۆر ءِ ھِساب بی کہ نَبی
اِشکِرێں دِل کِتاب بی کہ نَبی
اِے گْیاباں زِراب بی کہ نَبی
چۆ نَکَرزی اِے گِہگِہێں اِمبرۆز

…………………

رَنجی = رَنجیت
بی = بیت
نَکَرزی = نَکَرزیت
کاں = کَنت

<اِم><سترُنگ>اَتا شاد
Atá Shád