مئے دِل ءَ ھُلّے سَمبَہێنتَگ تَرا
بارێں نَکّاش چۆن گْوَپیت سَر ءَ
تَرا بانۆری ءَ بِگِنداں، تُری
مَن ءَ مارے بْوارت ماں جَگَر ءَ
مَرا اود ءِ چَہ نیوَگاں پِرّێنت
تَئی لُنٹانی مِسریێں شَکَر ءَ
مَن وَتی کَدّ ءَ چَہ نَہ آں بے ھال
کئێت دَپ ءَ نام ماناِ ھَبَر ءَ
تَو وَ ھۆش ءَ ئے مَن گَنۆک آں اگں
مَن وَت ءَ کُشتَگ تَو چی ءَ پہ گْوَر ءَ
بْیا بُچُکّاں سَمین ءِ دَستان ءَ
ھَر سَباہ رَندیت مَہپَری ءِ سَر ءَ
<سترُنگ><اِم>کَریم دَشتی
5 اَکتۆبَر، 1983
دِہلی، ھِندُستاں