زِندَگی ھَردێں کہ پہ تَو تَنگ بیت
شَپچِراگے ماہ بیت، مَہرَنگ بیت
اێمِنی ءَ نِندَگ ءَ نَیل ئے، تَ مَیل
جَنگ جَنگے، جَنگ بیت، تَ جَنگ بیت
ما نَگُشتَگ ما نَلۆٹُن آجُوی
ما نَگُشتَگ تُوپَک ءِ نَل زَنگ بیت
بِلّ ئِے مَلّیت ھۆن آپ ءِ شَہجُواں
بِلّ تُری واد ءُ شَکَر ھَمسَنگ بیت
تَو گُرُوناک ئے گۆں بَمباں اَیٹَمی
اِسپَرێں راسکۆہ بَلۆچ ءِ وَنگ بیت
داں کَدی مارا تَو آدرَہ کُت کن ئے
زامُراں تَنگ اِنت کَدی داں تَنگ بیت
چے اِنت چَمکُٹّانی بِستار ءُ بَسات
اِے لَگۆراں نام بیت ناں نَنگ بیت
ٹَپّی ءُ ٹۆری اِنت داں کہ گُلزِمین
چۆنیا سُرنا ءُ چاپ ءُ چَنگ بیت
کَسّے چۆ آجِز بِبیتێں بے وَتَن
چَہ کُج ءَ اێمِن پہ کَیپ ءُ بَنگ بیت
<سترُنگ><اِم>مَجید آجِز