تَئی ھَیال اگں بْیَیت دۆزِہی باں مَن
اِے سیمسَرے کَسّی مَباں وَتی باں مَن
شِگاں باجُوی ءِ شات بیت کئے پہ وَت
مَن ءَ مَلۆٹ چ اَرواہ، زِندَگی باں مَن
چۆ اِشک داێمی باتِن ءَ گْرَنچ آں
وَتی شُہاز ءَ دَر آیاں بِزاں تَئی باں مَن
بِگِند کۆدِکێں چُکّے چَہ لَیبُواں گِستا
ھما دَماں دِل ءَ گْرێوَگی باں مَن
بُگُش کہ بارێں کَدی مِہرباں بَئے پہ مَن
بُگُش کہ بارێں تَئی دیدَگاں کَدی باں مَن
گُلاب ءِ پُلّ پہ وَشبُو ھَزار دِل ساہڈیت
وَت ءَ گۆں ڈَکّ نَگُش ئے بِلّ ئِے ھَرکَسی باں مَن
تَئی ھَیال مَن ءَ کَنت بُزِرگ، پیر، وَلی
تَرا کہ وَہدے بَِمبازاں جَنَّتی باں مَن
تَئی زَہیر کہ بِسمِل مَن زِندَگ آں اَنگَت
تَو تْرَمپے اَرس شَل ءِ گَوہَرے زِری باں مَن
<سترُنگ><اِم>مَنزُور بِسمِل