مِہر یَکّ راہے مَن شۆہاز ئِے کَناں
مِہر یَکّ راہے ءُ یَکّ رَہبَندے
مِہر ءِ شۆہاز کَنۆک
گار نَبَنت مُچّیاں
شِنگ ءُ شانگێں اِے جَہان ءَ باندا
مِہر یَکجاگَہ کَنت
مِہر دار اَنت دْراہێں سَہدار
بلے آدَم ءِ مِہر
گۆں اَگل ءَ ھۆر اِنت!
اَگل ءُ مِہر ھۆر بِبَنت
گُڈا دُنیا چےے
دُرسێں دُنیا ءَ بِدار اَنت بَلکێں
مِہر شاہێمے ءَ چۆن جاگَہ کَنت؟
مِہر ءَ ھِچّ کَچّ ءُ کِساسے نێست اِنت
ساہ دْرَپشیت گۆں مِہر ءَ
کہ آ مِہر ءِ نام اِنت
ءُ رُدیت اَکس
کہ ما جان ئِے گُشێں
جاں چےے؟
ھَمے مِہر ءِ اَکس اِنت!
ءُ وَہدے مِہر مَبیت؟
ساہ نَبیت
جاں نَبیت
زِند نَبیت
اَکس نَبیت
اَگاں گِندیت گُڈا
مِہر ءِ اَکس ءَ پَدا مِہر ءِ چَمّے!
مِہر ءِ چَمّانی بِچارِت رۆک ءَ
مِہر ءِ چَمّانی بِچارِت رۆک ءَ
رۆک گِندَگ بیت ھما وَہد ءَ کہ
بِکَپیت اَکس ءَ
ءُ بِبیت مِہر ءِ اَکس
شَرّ بِچارِت ھما چَمّ ءِ رۆک ءَ
مِہر یَکّ راہے ماں شۆہاز ئِے کَناں
مِہر یَکّ راہے ءُ یَکّ رَہبَندے
مَن پہ مِہر ءَ مِڈاں، مِہر اێمِنیے
مَن پہ مِہر ءَ مِراں، مِہر اێمِنیے
مِہر یَکّ راہے ءُ یَکّ رَہبَندے
کئے اِنت اِے راہ ءَ مَنی ھَمراہ بیت؟
کئے اِنت اِے راہ ءَ مَن ءَ ھَمراہ کَنت؟
کئے مَن ءَ مِہر ءِ جَہان ءَ سَر کَنت؟
کئے اِنت کہ مِہر ءِ جَہان ءَ مَنی ھَمکۆپَگ بیت؟
بْیا پہ مِہر ءَ مِڈێں، مِہر اێمِنیے
بْیا پہ مِہر ءَ مِرێں، مِہر اێمِنیے
آ کُجام راج اِنت کہ مِہر ءِ راج اِنت
تا کَدێں مِہر ءِ جَہان ءَ سَر بے ن
بلے ما اَلَّمیا اود ءَ رَسێں
بلے بَلکێں دێراں
مِہر یَکّ راہے مَن شۆہاز ئِے کَناں
مِہر یَکّ راہے ما شۆہاز ئِے کَنێں
ما بِزاں دُرسێں راج!
اَلَّمیا اَلَّمیا
<سترُنگ><اِم>ھاں سابِر
جَنوَری 1978، کَراچی