وَہدے کہ سَمبَہیت تَئی بالاد دِلبَرێں
مئے گَمجَتێں دِل ءَ چۆ گُش ئے آس ءُ اَنگَرێں
کَد بارێں چۆن دَر چِتَگ رَنگ ءُ دانَگ ءِ
مَن چے کَناں سَتا ھما دَستانی مِہتِرێں
ھاکے، بُتے یا نُورے سازۆک کئے بِزانت
بَرگَشتَگ چَہ ھُدا اوں وَتی دین ءَ کاپِرێں
سَمُّل گۆں جۆڈێں دْرۆشُم ءَ کَنت مَست ءَ بے سَما
مئے بے وَتی تَئی دُتُّکێں بالاد ءِ آسَرێں
بۆے رِچیت پہ مَن کہ گُل سیری مَنَّہے
دْرَنزیت دَرامَدے مئے سَر ءَ بۆ ءُ اَمبَرێں
<سترُنگ><اِم>گُلام مَہمَد گُل