مَرۆچی دِل
واہَگانی کَبرِستان ءِ کَش ءَ گْوَستَگ
نَزاناں مَن وَتی چَمّ کُج ءَ کَلّ کُتَگ اَنت
آ ساہَت شَپے اَت
اَرواہ پَدی گاماں جُنزاں اَچ دَماناں دَر کَپت
مَرۆچی چے ءِ شۆہاز اِنت؟
اِد ءَ ھَورانی گْوارَگ
مۆسُمی بَہرے نَہ اِنت
زِمین ءِ تَلوَسَگ تْرُندێں رَگامی واہَگے
کَبرانی سارتێں دْرۆشُم اِنت
مَرچی شَمۆشَگ بے وَت اِنت
اَرساں ھَوار اِنت بے وَسی
دَرد اَنت کہ جَمبَر بَستَگ اَنت
گْرێو اَنت دِل ءِ کَبر ءِ سَر ءَ
<سترُنگ><اِم>مِہلَب نَسیر