مِہر ءُ دۆستی، وَپا، داتَگ کَمّ دِلبَر ءَ
مارا اَئید ءِ شَپ ءَ داتَگ گَم دِلبَر ءَ
اَئید ءِ دُمی شَپ ءَ گُشت مَن ءَ مَردُماں
پۆنز ءَ مُشتے بِجَن تَو سَتَم دِلبَر ءَ
مَرچاں لَرزُک، پُلۆہ، دَور شُت اَنت پُلُّک ءِ
اَئید ءَ پۆنز ءَ کُتَگ دو کَلَم دِلبَر ءَ
نی ھما اِنت مئے دُکّان ءِ رۆزی شُتَگ
چَہ ھما رۆچ ءَ اێر کُت کَدَم دِلبَر ءَ
مَرچی اَلّاہ ءِ شُگر اِنت کہ گُد شُشتَگ ئِے
بازێں جانبَڈّیا بُرتَگ دَم دِلبَر ءَ
دۆشیگێں آں مَنی چَمّ تَہاردێمَگ اَنت
وَہدے سْرُومَّگ کُت اَنت ھَر دو چَمّ دِلبَر ءَ
<سترُنگ><اِم>پُلّاں اُمَر