شَہر ءِ تۆلَگ، شێر ءِ پۆشاک ءِ تَہا
ھَلک ءُ دَمک ءُ کُوچَگاں ماں رِتکَگ اَنت
ھاک ءُ ھاکشانی کَنان اَنت ھَرگوَرا
دُزّ ءُ بارُوٹی سَرۆک ءُ سَرمَچار
زانتکار ءُ شاِر ءُ سازِندَکار
رَتکَگێں رُباہ ءُ چێرێں نَرمزار
آس ماں دار اَنت ڈَگار ءُ مَلپَداں
زێد ءُ سَبزێں کَہچراں آدرَو کَن اَنت
راج ءِ بے گْواہی ءِ رَند ءَ کَپتَگ اَنت
نییَتِش پاک اِنت پہ زَرّ ءِ رۆپَگ ءَ
پاکباز اَنت چۆن پہ دْرۆگ ءِ بَندَگ ءَ
مئے دْوا اِنت واجَہ ءِ گَنجێں دَر ءَ
ژَندێں اِیمانِش سَلامَت بات مُدام
کہ وَتی بے گْواہی ءِ پِگر ءَ نَہ اَنت
<سترُنگ><اِم>مُبارِک کازی
(<اِم>ھانی مَنی ماتێں وَتَن)