بَنیادَم ءِ اِشک ءَ مَکَپ
بَنیادَم ءِ کِشک ءَ مَرَو
بَنیادَم ءَ نێست راہ ءُ دَر
بَنیادَم اِنت بے راہ ءُ دَر
دُنیا بِبیت یا آکِبَت
یَکّ اَنت دوێں پہ بَزَّگ ءَ
بَنیادَم ءِ نام ءَ مَگِر
بَنیادَم ءِ یات ءَ مَکَپ
بَنیادَم ءَ نێست اِنت مَجال
بَنیادَم ءِ ھال ءِ سَر ءَ
بَنیادَم ءِ زَنگ ءَ مَجَن
بَنیادَمے دِلگِراں بیت
بَنیادَم ءَ چَہ آدَمے
بَنیادَم ءِ اوبادَگ اِنت
بَنیادَم ءَ را چۆ مَجَن
بَنیادَم ءِ دێم ءَ شِگاں
بَنیادَم ءِ نام ءِ سَر ءَ
زِند ءِ مُراداں سَر گْوَزیت
بَنیادَم ءِ راہ ءِ سَر ءَ
بَنیادَمے کئێت ءُ مِریت
گۆں واہَگاں مَوجێں دِل ءِ
بَنیادَم ءِ نام ءَ گِریت
بَنیادَم ءِ ساہ ءِ سَر ءَ
چۆ آدَم ءَ پُلّے رُدیت
بیبی ھَوا ءِ ساہِگ ءَ
بَنیادَمے شاداں بیت
بَنیادَمانی مِنزِل ءَ
بَنیادَمے کئێت ءُ گُشیت
بَنیادَم ءَ نێست راہ ءُ دَر
بَنیادَمانی مِنزِل ءَ
بَنیادَم اِنت بے راہ ءُ دَر
دُنیا بِبیت یا آکِبَت
یَکّ اَنت دوێں پہ بَزَّگ ءَ
بَنیادَمے رَوت گار بیت
بَنیادَم ءِ شۆہازَگ ءَ
بَنیادَم ءَ نێست اِنت سَما
بَنیادَم ءِ زِند ءِ مَتا
بَنیادَم ءِ پَلگارَگ اِنت
کَسّی دِگِہ سُدّ ءَ نَہ اِنت
بَنیادَم ءِ ساہ ءِ سَر ءَ
بَنیادَم ءِ اِشک ءَ مَکَپ
بَنیادَم ءِ کِشک ءَ مَرَو
بَنیادَم ءَ نێست اِنت وَپا
<سترُنگ><اِم>راشِد دیدار