(واڈ نَمبَر 6، پَسِّنی)
پْرُشتَگێں اوستانی ڈَنّے سیرکَگێں
پیپُکے ءَ سِنگ ماں
بَدتَوارێں دۆدے ءَ دَست ءَ کُتَگ
ءُ لَیب داریت مێتَگ ءَ
اَنگَرێں چَمّاں گۆں چاریت مێتَگ ءَ
تَو کہ بار داتَگ
مَنی چێدَگ وَتی اَرواہ ءِ گُنگێں مانِش ءَ
مَن تَئی چَہرَگ وَتی چَمّانی لُنجێں گُبَّہ ءَ اوگارِتَگ
تَو مَگُش کہ مَن کئے آں؟
ءُ مَن نَڈَسّاں ھِچّ تَرا
تَو نَزان ئے تَو وَتی
مَییَت شَمُشتَگ ماں کُجام چانٹ ءِ دَپ ءَ
دَمک چۆ اَپس ءَ شِدان اَنت ءُ گْوَز اَنت
پادمال اِنت آدَم ءِ اوبادَگ ءِ
بے چَمّ ءُ پۆنزێں آکِبَت
ٹیٹَلێں وابانی سَکرات ءَ چۆ دَنز ءَ جَلِّتَگ
مَن وَتی دۆستیگێں چَمّے ءِ تَہا سَر کَشِّتَگ
داں مَہشَر ءِ واب ءَ گُڈِت
چۆ تَزبی ءِ یَکّ آمَگێں اوتاگے ءَ
سِستَگ زَمانَگ…
اِے دَمان ءُ رۆچ ءُ ماہ ءُ سال
شِنگانا گِسَر بُوت اَنت چَہ یَکّے دُمیا
چۆ مُہرَگ ءَ
کئے بِزانت کہ تَو کُج ءَ ئے…؟
مَن کُج ءَ …؟
کَسّ وَتی جاہ ءَ نَہ اِنت
بَسّ ٹیٹَلێں وابانی سَکرات ءَ چۆ دَنز ءَ جَلِّتَگ
<سترُنگ><اِم>مُنیر مۆمِن
(<اِم>یَکّ بِچیلے آزماں)