گْوادِرێں زِند ءِ اَبێتکێں رَہسَرا
دِل گۆں باتێلێں زَہیراں چێر ءُ سَر
چِست بَنت پاہار چَولانی گْوَر ءَ
کَپتَگێں اَرواہ ءِ آتراپ ءَ پْرُش اَنت
گُلزِمین ءِ ماتێں مِسکێں ھاک ءُ ڈۆک
کہ مئے چَمّانی سارتێں سْرُومَگ اَنت
پہ دو کَلدار ءَ دِل ءَ بَکشاتَگ اَنت
مات ءُ پِت، زَہگ ءُ جَن، ءُ بْرات ءُ گُہار
نێستیا بے مۆسُما پَرماتَگ اَنت
ناں پِنڈ اَنت ماں وَتی جِند ءِ گِس ءَ
دْرُستێں وانِندَہ کہ ھاک ءِ واجَہ اَنت
دَر پہ دَر پہ رۆزگار ءَ وانڈَہ اَنت
کئے اِشانی گُنگێں پِریاتاں بِگیپت
کئے اِشانی زَگرێں اَرساں دَم بِکَنت
کئے اِشانی دَرد ءُ دۆراں کَمّ بِکَنت
<سترُنگ><اِم>مُبارِک کازی