رێگزارے نَئکِہ گْیابانے زِرے
کَدَّہے تُنّیگێں پَیمانے زِرے
ما تَئی چَمّ ءِ تَہا شۆہازِتَگ
گْوَنڈُکێں پێژگاہے آزمانے زِرے
مُج کہ نِندیت گِند ئے کۆہ ءِ دامُن ءَ
گُژنَگێں اَپسے ءُ کادانے زِرے
نَوبَت ءِ بے وابێں چَمّاں ماں کُت
دَز بِکَپتێں کَدِّ دَرمانے زِرے
ھَرکَس ءَ گۆں بُوت نۆدی ساہِگے
بَہر بُبُوتێں گِند ئے اِنسانے زِرے
ما پہ تَو ھَرّۆچ نِشت ءُ گْوَپتَگَت
کِسَّہے سارتێں زِمِستانے زِرے
تَو گِسَر بُوت ئے کہ سِستَگ اَچ مَن ءَ
دیدَگے اوستے ءُ مَہکانے زِرے
بے تَرا دێوانَگێں اِے دِل مُنیر
پْرُشتَگێں بۆجیگی سُکانے زِرے
<سترُنگ><اِم>مُنیر مۆمِن
(<اِم>یَکّ بِچیلے آزماں)