نێمرۆچ ءَ ھَزار کانچێں رۆچ ءِ سَر ءَ
لاش کَپتَگ مَنی
بْرَہنَگێں ساہِگ ءَ
کَسّ نَمَنتَگ دِل ءَ اَرس مۆسُم بِکَنت
پہ مَنی بْرَہنَگێں لاش ءِ بَربادی ءَ گَم بِکَنت
چاپ ءُ چَوگاں، چَمّ
دُور گار اِنت ھَتَم
دِل چۆ کُراں پَچ اِنت دَرد ءِ رِہل ءِ سَر ءَ
واہَگ ءِ بُندَر ءَ
رُژن ءِ شَیتان ءِ آپ ءَ تِلاوَت کَناں
رۆچ ءِ دێوانَگیا مَلامَت کَناں
ھَستی ءَ نێستی ئے ساہ ءِ سَنگَت کَناں
ساہِگ ءَ آس ماں داراں آپ ءِ تَہا
کُلّێں چاگِرد ءِ چَمّاں کْیامَت کَناں
گْوات ءَ زْیارَت کَناں
<سترُنگ><اِم>مُبارِک کازی