آس کہ چَہ وَتی دید ءِ ھَمساہِگ ءَ
پہ دِگِہ مُژدَہے
پہ دِگِہ مَتلَبے
اَپ ئے نام ءَ
گۆں پُلکاں، گۆں ھُشکاوَگاں
آزمان ءِ رَگاماں مَلامَت بِکَنت
ھُشک ءُ تَرّ ھِچّ مَزانت
بَسّ وَتی ھاکِمی ءَ بِزانت شِہم ءُ شَرّ
اَہد ءِ بَربادی ءَ ھێل ءُ آدَت بِکَنت
اوستاں کْیامَت بِکَنت
ماں بِداریت دِلانی زِرێں واہَگاں
پُر بِکَنت جَنگَلاں
شَہراں تُربَت بِکَنت
ھاکشانی بِکَنت کُوچَگ ءُ کُہسَراں
ھَو، بِلّ ئِے بے کِساسا سُچیت دَہر ءِ دِل
جی پہ گِسمَرد ئے نامِہرَبانێں دِل ءَ
پہ وَتی چار رۆچی سِپَہداریا
سِترێں دۆداں بُپرۆشیت مَڈَہداری ئے
دیدَگاں نَزّ بِکَنت
اُمر ءِ چَمداریا زِند ءِ سَنگَت بِکَنت
ھۆن ءِ پاکێں کِتاب ءَ تِلاوَت بِکَنت
آپ رَسِتَگ دَپ ءَ
کۆدِک اِنت زێرپا
زار پہ اِے وَڈێں لَجبَرۆکێں نَپ ءَ
پہ لَگۆری تَئی اِزَّت ءَ گار کَنت
مێتَگاں چێر ءُ سَر
مُلکاں اَنگار کَنت
آس آسے، وَتی دِلتَبا کار کَنت
<سترُنگ><اِم>مُبارِک کازی