مَنی اِمام، مَنی نُور پاک، کۆہِ مُراد
مَن بے تَو پَیم نَباں، دیدَگێں اِمام مَہدی
مَن زِندَگ آں پہ دُکُرم ءِ کْرامَتێں شیراں
مَنی چِراگ، مَنی کۆہ ءِ مَکَّہێں مِنزِل
مَکام ئے مِنزِل ءِ رَہدار “بیست ءُ ھَپت”ئے شَپ اِنت
ھَزار ءِ شَپ پہ اِمام ءَ ، اِمام ءُ کُہِ مُراد
مَن نَدر باں گۆں وَتی چاپ ءُ زِگر ءُ چَوگاناں
مَن ءَ بِساٹ کہ مَن بے تَو بے وَس آں مَہدی
مئے آزرات ءِ نِگَہ گۆں پْرێشتَگاں بَستَگ
مَنی مُراد، مَنی نُور پاک، بَرّ ءِ کَہیر
مَن بے تَو پَیم نَباں دیدَگێں اِمام مَہدی
مَن ءَ را دَست بِگِر کہ مَن بے تَو بے ھَیر آں
<سترُنگ><اِم>مُبارِک کازی