تَہاری یاتگارے بُوَگی اِنت
اِے ماہ ءَ را گُبارے بُوَگی اِنت
اِے وَہمے کہ کُدُواں واب ءَ نَیلیت
یا گْیابان ءَ دَیارے بُوَگی اِنت
دَمانے بار دَنت ھۆشام ءِ شَہر ءَ
نوں دَریا رێگزارے بُوَگی اِنت
ماں جِند ءِ اَندَر ءَ ھَرکَس بِٹَپّیت
اَبێتکی کۆہسارے بُوَگی اِنت
پَناہ دَنت دُرسێں وَسواساں دِلانی
اِے بے وانکی دَیارے بُوَگی اِنت
تَوامێں اُمر اوستاں گْوانزَگ ءَ کَنت
ھما کہ پہ گِدارے بُوَگی اِنت
ھَمے کہ نِشتَگ اِنت چَمّانی تۆک ءَ
مُنیر اِے تُرس مارے بُوَگی اِنت
<سترُنگ><اِم>مُنیر مۆمِن
(یَکّ بِچیلے آزماں)