داں کَد گَنۆک اِشک ءِ بِچاریت وَت ءَ بُرَوت
دُرسێں دَریگ کۆر اَنت، تَماشا کُج ءَ بُرَوت
ھَر تاب ءِ دامُن ءَ اِد ءَ کَبر اَنت دِل ءُ نِگاہ
اِے پێچدارێں دَمکانی تالِہ کُج ءَ بُرَوت
بِلّ مُہرَگێں زَہیر مَدۆچ گیر ءِ دامُن ءَ
اَنچێں سَبَکّے وانێں کہ زُوتاں دِل ءَ بُرَوت
تَئی شیرکِنێں وَدارانی ھامێں پاشک بیت
اِے دیدَگانی تُنّ پہ واب ءَ کُج ءَ بُرَوت
مَردُم کَسانێں شَہمے بِگِندیت، گَنۆک بیت
تَو اَنچۆ زێبدار ئے کہ سَبرے سَر ءَ بُرَوت
ما تَئی زَہیر ءِ رۆشِنێں دَنز ءِ مُساپِر ایں
کَسّے بْیَیت گۆں ما، نَبیت اِنت جِتا بُرَوت
اَنچێں گَمے بِدئے کہ بِنَکَشیت زَمانَگ ءَ
بۆشتیت چۆ کۆہسارا ءُ مار ءِ وَڈ ءَ بُرَوت
کَسّے مَن ءَ چَہ وَہد ءَ جِتا مانایے بِدَنت
پہ مَن اِد ءَ بْیَیت نہ گۆں مَن چِدا بُرَوت
<سترُنگ><اِم>مُنیر مۆمِن
(<اِم>یَکّ بِچیلے آزماں)