دِل تَہار ءُ زَہیر کَمبَر یَکّ بِچیلے آزماں
گُژنَگێں چَمّانی آسَر، یَکّ بِچیلے آزماں

پہ وَت ءَ دێوانَگ ءَ تَئی زِند سَکّ آساں کُتَگ
چَنکے نۆد ءُ دو کَپۆدَر، یَکّ بِچیلے آزماں

شَہمیت چۆ دُورێں گِرۆک ءَ ، ھُشک بیت نَمب ءِ وَڈ ءَ
زِند ءُ مَرگ، ءُ پُرس ءُ سَربَر، یَکّ بِچیلے آزماں

اِے زِمین کاہے کہ رُستَگ نَوبَت ءِ سِنگی شَمے
کَلکَشان ءِ تَرّ ءُ مانتَرّ، یَکّ بِچیلے آزماں

اَچ تَئی یادانی کُہدێماں گْوَزیت، رَوت اِنت کُج ءَ
بَزَّگێں اوستانی کۆتَر، یَکّ بِچیلے آزماں

مَوجِرێں وَہمانی تَنداں پۆشِتَگ دُنیا مُنیر
بْرَہنَگێں سِتکانی رَہسَر، یَکّ بِچیلے آزماں

<سترُنگ><اِم>مُنیر مۆمِن
Monir Mómen