نئے تْرانَگے پہ دۆستے، نئے واہَگ ءُ وَپایے
اَگاں بے وَتی ھَمێش اِنت، کَولیگ آں مَن ھُدا ءِ
بَر گَشت یات زَگرێں، پہ مَن جَہاں بَر گَشت
گۆن اَت شَپانا رَنج ءِ بے گانَہێں سَباہے
زِند ءِ بَہِشتێں واہَگ، واتَرّ کَن ءُ پَدا بْیا
مَنی آدَمێں ھَیال ءُ سَر سِستَگێں ھَوا ئے
بْیا دَلوَتێں گُمان ءَ اوستانی پاٹِک ءَ بَر
زۆرواجَہێں اَمیرے، نامگِپتێں کَڈُدا ئے
تُنّیگێں راہَتانی میتاپێں گُلزِمین ءَ
تَو مئے مُرادێں مِہر ءِ تۆکِشک ءُ تَچکێں راہ ئے
شۆہاز مَزاں کہ زان ئے، مئے زانت ءُ زانَگ ءَ تَو
نئے بیتَگاں بَدَل مَن، تَو اَنگَتا ھما ئے
<سترُنگ><اِم>گُلام ھُسَین شۆہاز