گُل ءِ مَلگۆراں مِسک ءُ اَمبَرێناں
کَناں یات ءُ وَتی کُلّ ءَ زَرێناں

مَنی سُستێں رَواجاں چۆش مَچارِت
شُمارا یَک پہ یَکّ ءَ مَن رَسێناں

اَگاں اوماں بَنت اِنت دَرد ءُ اَرماں
گَمانی پُرّێں دُمبالاں سْرَپێناں

مَن ءَ بَسّ اِنت وَتی لَسّائیں آہُوگ
مَیارِت پہ مَن گۆراں ماہَلێناں

زَہیرُن بیت پِر بَنداں دو سئے گال
اَگاں بے گَم بَیاں ٹَپّاں کُدێناں

پہ ھَرَّنگے کَناں نْیادے گۆں دۆست ءَ
کہ بَدواہانی بَہت ءَ را نَسێناں

مَنی کُلّ ءِ چِراگیا بِمَنّ ئے
تَرا چَہ مَلکَمُوت ءَ ھَم زِہێناں

تَرا مَرچی پہ بانۆری بِگِنداں
بلے بْیا مَن تَرا وَت سَمبَہێناں

مَنی ھانُل بْیا کہ ھِنّیاں تَئی
وَتی زَگرێں دِل ءِ ھۆناں گۆں مێناں

سَیَد مۆہ دَئے دِل ءِ ھۆناں وَتیگاں
چَہ چَمّانی رَہ ءَ مَرچی شَلێناں

<سترُنگ><اِم>سَیَد ھاشُمی

(بُلۆرداں، کَسِرکَند
آدێنَگ ءِ سَباہ ءِ سَر ءَ
یَکّ اَکتۆبَر 1954)
Yakk Aktóbar 1954)