یَرّۆچے شێر نادراہ اَت، گُڈا آئی ءِ چارَگ ءُ ھالشۆنیا دْراہێں رَستَر شُت اَنت، تَہنا رۆباہ نَشُت۔ شێر ءَ ، رۆباہ ءِ نێمَگ ءَ کُلَو رَواں دات بلے رۆباہ آئی ءِ چارَگ ءَ نَشُت۔
شێر چَہ نادراہی ءَ وَشّ بُوت۔ یَرّۆچے شێر گۆں رۆباہ ءَ دُچار کَپت ءُ گُشت ئِے، "رۆباہ مَن نادراہ بُوتَگاں، تَو مَنی چارَگ ءَ نَیَتکَگ ءِ؟"
رۆباہ ءَ گُشت، "واجَہ! تَئی نادراہی ءِ ھال مَن ءَ سَر بُوتَگ بلے مَن ھۆنڈ ءَ پہ تَو چِلَّگ کَشِّتَگ ءُ دْوا لۆٹِتَگ کہ تَو دْراہ ءُ سَلامَت بِب ئے۔ اگں مَن دْوا مَلۆٹِتێں، تَو نَرَکِّتَگَت ئے۔"
شێر چَہ رۆباہ ءِ ھَمے گَپّ ءَ پَدا وَشّ بُوت ءُ رۆباہ ئِے ماپ کُت۔