کئے اِنت کہ اِمرۆز ءِ چێرێں رازاں چۆ آشکارا سُرێنَگ ءَ اِنت
تَئی زێبناکیا گۆں جَنان اِنت، مَنی تَوار ءَ سُرێنَگ ءَ اِنت
تا کَد چۆ بے رَنگ ءُ چاڈ نِنداں، تا کَد اِے دامُن اَبێتک مانیت
زَہیر ءِ پادینک ءَ زێمِرێنیت، گُناہے شار ءَ سُرێنَگ ءَ اِنت
بِچار زِند ءِ پَدَردێں اَرواہ تَئی رَنگ ءَ بَندیکے ءَ گۆں بَستَگ
اِے تُنّیێں بے گَہ ءَ کَپۆتانی ھَر کَتار ءَ سُرێنَگ ءَ اِنت
تَئی دَرد ءِ چاڈ اِنت کہ گْوانزَگ ءَ اِنت جَہاں کُلّێں گۆں رَنگ ءُ داباں
اِے چَول واپێنَگ ءَ اِنت مارا، اِے چَول مارا سُرێنَگ ءَ اِنت
مئے جُنز مَہتَل پہ جَلوَہاں تَئی، مئے کِرد گۆں واہَگ ءَ تَئی اێمِن
چۆ پاد کِشک ءَ شُہازَگ ءَ اَنت، چۆ دَست کار ءَ سُرێنَگ ءَ اِنت
مُنیر گْوات ءِ زَیپێں اَرواہ کَئی مِہلَباں اِینچ شۆر داتَگ
بِچار کَوش ءَ گۆں لَہمێں کْراماں، اِے کۆہسارا سُرێنَگ ءَ اِنت
<سترُنگ><اِم>مُنیر مۆمِن
(یَکّ بِچیلے آزماں)