دو دُزّ اَت اَنت کہ آ بَلُّک ءِ لۆگ ءَ دُزّی ءَ شُت اَنت، وَہدےکہ لۆگ ءِ تَہا پُتِرت اَنت، گُڈا بَلُّک ءَ کُوکار کُت ءُ چَہ ھَمے دُزّاں یَکّے تَہت ءِ چێرا شُت ءُ ٹَپِّت۔ دِگِہ یَکّے لُگ ئے دێم ءَ ھَزاربَند ئے سَر ءَ شُت ءُ نِشت۔
چَہ بَلُّک ءِ کُوکار ءُ جَگّایاں ھَمساہِگ تَچاں بُوت ءُ اَتک اَنت ءُ بَلُّکِش جُست کُت، "چے بُوتَگ؟"
چَہ دُزّانی تُرسا بَلُّک ھِچّ گُشَگی نَہ اَت ءُ تَہنا وَتی دَست ئِے بُرز ءَ شَہارت (بِزاں ھَمے گُشَگ ءَ اَت کہ ھُدا بِزانت)۔
ھَمے دُزّ کہ ھَزاربَند ئے سَر ءَ نِشتَگَت، اِے سَرپَد بُوت کہ بَلُّک ءَ مَن ءَ دیستَگ، دَست ءَ مَنی نێمَگ ءَ شَہار دَیَگ ءَ اِنت۔ پَمِشکا ھَمے دُزّ ءَ گُشت، کہ "تَو تَہنا مَن ءَ دیستَگ، تَہت ءِ چێرَئێگ ءَ نَگِند ئے۔"