شیشَگێں واب ءُ دْراہیاں پْرۆش ءِ
نِشتَگ ءِ پْرُشتَگێں بُتاں پْرۆش ءِ
کَنداں کَندان ءَ ھُلکَہاں پْرۆش ءِ
اَنچۆکہ جَوزی دانَگاں پْرۆش ءِ
دیدَگاں دام ءُ مۆچکێں چِت اَنت
تَو کہ وَہمانی بانزُلاں پْرۆش ءِ
اِے کَلاتاں چِرِت نازێن اَنت
پہ کئے سَوتانی مُہرَگاں پْرۆش ءِ
پێش داراں کئے ءَ دِل ءِ چُنڈاں
تَو وَ راجانی سَنَّتاں پْرۆش ءِ
گَزّ کَور ءِ سُر اَنت تَئی گێگان ءَ
پَرچا چۆ نَگدێں لُڈَّگاں پْرۆش ءِ
نہ ھَتَم رَنگ دَنت دَریگ ءُ دَراں
نہ تَو چَمّانی مُژدَہاں پْرۆش ءِ
<سترُنگ><اِم>مُنیر مۆمِن
(یَکّ بِچیلے آزماں)