زانَگ ءُ بے زانتی ئے ھال اِنت مَنی
گُلزِمین ڈُنگانی پادمال اِنت مَنی
راج ءِ شیوار ءُ تَمَردێں سَرمَچار
چۆرَہێں چُکّانی دیوال اِنت مَنی
تَو سَر ءَ سِنگ ءَ بِجَن، کَہراں بُگوار
آجُوی ءِ اِمبَری سال اِنت مَنی
رُستَگێں پِگر ءِ ھَمُک لَہڈێں ھَیال
گَوہَرێں لَبزانی دَپگال اِنت مَنی
وَہد ءِ چَکّاس ءَ ھَمُک پَدَّر ھَنیپ
دِل پہ اُمّێتے گَل ءَ بال اِنت مَنی
<سترُنگ><اِم>ھَنیپ بَلۆچ