رۆچ بُڈّیت شَپنَسیبێں مُرگ دْرَنگاں دَر رَو اَنت
جَنگ ءِ کِسَّہ پہ دَپ ءَ وَشّ، شَہسَوارێں سَر رَو اَنت
نَرمێں وابجاہاں شَمۆش ءُ سِنگاں تَو سَرجاہ بِکَن
تَوکَلے پاد ءَ کَن ءُ بْیا ساجُوێں لَشکَر رَو اَنت
سَرمَتابێں سَرمَچَنڈێں سَرمَچاراں جی بِبات
مادَر ءِ رَکّێنَگ ءَ پہ ھاک ءِ شێرێں نَر رَو اَنت
ما نَچارِت مال ءُ مِلکَت، گْوَتَگێں چَہ ھَر نَپ ءَ
ما نَچارِت بے بَہائیں ساہِگ ءُ کاپَر رَو اَنت
سَرڈَگار ئے اِشک ءَ مارا سَر کُتَگ ماں تیہُراں
سَرڈَگار ئے سَکّیاں گۆں اِے گَنۆک تانسَر رَو اَنت
تاجَگێں پِگرانی بَندۆک چۆ گُلام مَہمَد، مُنیر
داکتَرێں مَنّان ءِ ڈَولێں پِگر ءِ شَہدێں بَر رَو اَنت
بے سَمائی، ھُشک ءُ سْیاہی نِندَگ ءَ ھِچّی نَبیت
سَر گِرێں بْیا ءُ مُہیم کہ مئے زِر ءُ کَہچَر رَو اَنت
<سترُنگ><اِم>مُہیم واہِد