زِندَگی ھَلوَتانی گْیابانے
وَہد ءِ اَرواہ کَپۆتی کَبرے
کَسے کئێت کُوکُوے مالیت
ءُ کَسے اَرسے کِشیت
تَو کہ رَنگے ئے، جَلَشک ءِ
تَو کہ پُلّے ئے، سْرَپ ءِ
تَو کہ مِسکے ئے، سَباہانی سَر ءَ تالاں بَئے
تَو کہ سَنجے ئے
سَر ءِ شۆدَگ ءَ کا ئے، مَنی چَمّانی تَہا
مَن بلے اَہدے ءِ پابَند آں
نَتراناں دَردے
مَن بلے مِہر ءِ واہُند آں
نَرَنداں کِشکے
<سترُنگ><اِم>مُنیر مۆمِن
(یَکّ بِچیلے آزماں)