تَچ اَنت نۆد ءُ دَریا تَچیت زِندَگی
کَدی بارێں تْیاب ءَ رَسیت زِندَگی
چَہ سَرگواپ ئے دَستانی زۆراکی ءَ
تَئی مُودے سِدیت، مئے سِدیت زِندَگی
آ وَہدے کہ پُلّانی سَیل ءَ بُرَوت
گۆں نۆدانی تْرَمپاں کَپیت زِندَگی
مَن دِہکان ءِ دَستانی کُرباں باں
کِشیت مَلکَمُوت ءَ ، رُدیت زِندَگی
مَرۆچاں مَن بے مَتلَب ءَ زِندَگ آں
کہ بے تَو مَن ءَ دۆست بیت زِندَگی
دَمانے چا مَرگ ءَ پِرامۆش باں
پَدا دَست ءُ پاداں اَڈیت زِندَگی
مَن اِمرُزا اَنچێں وَڈے پْرُشتَگاں
دِل ءَ دَر کَناں ھَم کُدیت زِندَگی
مَن کَبر ءَ شُتاں داں تَئی شۆہازَگ ءَ
تَرا دیت مَن ڈَولی، نَدیت زِندَگی
<سترُنگ><اِم>ڈَولی بے گ
3 نَوَمبَر 2007 (زِمینتۆک)