کُج اِنت مِنزِل، کُج ءَ مُساپِر، سَپَر پہ ھۆشام ءِ اَرس گران اِنت
اِے نێمبالێں دِل ءِ کَپۆدَر چَہ نێمرَہا گِسَر کَپان اِنت
ھَمے کہ شِنگ اَنت نۆد ءُ ساوَڈ، شُبێں بیت زُلپ بُتکَگ اَنت تَئی
بُج اَنت بے گاہ ءِ رَنگ ءُ رۆلَہ، گُماں بیت شِنگ تَئی گُشان اِنت
نہ رۆچ ھَمراہ اِنت ساہِگانی، نہ ساہِگاں بیت پہ رَہگوَزیاں
اِے زِندَگی چۆنێں آشنایے، نہ مِرہبان اِنت نہ بَدگُمان اِنت
آ نازبُوێں بَدَن کہ واب اِنت مئے ھَیالانی رێکشانا
آ شَہدگُپتارێں ماہ ءِ دَروَر کہ ماہ ءُ سالانی دْراہیان اِنت
بَہار ءِ رَنگاں گۆں رۆچ دَر کئێت، مَرَو بِجَلّ بَسّ دَمانے مَہتَل
سَباہ ءِ بانۆر دَر کَپان اِنت، شَپ ءِ جَنازَہ ماں کۆپَگان اِنت
مُدام کئێت سَنگَتانی یاد ءَ ، ھُدا سَلامَت بِکَنت دادا
مَگُش کہ بے گْواہ اِنت زِند ءِ راہاں، مَگُش کہ بے نام ءُ بے نێشان اِنت
<سترُنگ><اِم>اَلیجاں داد