سَر مَگِر ماہَل رۆچہ رۆزَرد ءَ
گێش مَکَن دَردیگێں دِل ءِ دَرد ءَ
تَو مَن ءَ اَنچۆ ماں ھَیالان ئے
چۆ جَنۆزامے یات کَنت مَرد ءَ
جان ءِ ھَپتادێں بَند پہ تَو نَدریگ
کَہرێں گَرماگ ءُ یا شَپِ سَردا
ھۆن بَنت بَرپ ءُ اَرس بَنت اَنگَر
بْیا بِگِند اِشک ءِ راہ ءِ بَروَرد ءَ
بے وَتێں دَہر ءُ کَرّێں اِمرۆز ءَ
اِش نَکَنت کَسّے گُنگێں آہسَردا
چۆ گُش ئے مُمتاز کَسّ نَپَہرێزیت
گَمجَتێں زِرد ءِ شیرکِنێں دَرد ءَ
<سترُنگ><اِم>مُمتاز اِیسُپ