ناگَہاں اِشت رۆچے مَن ءَ دَر پہ دَر
تَو شُت ئے دُور چَہ مَن مَنی ھَمسَپَر
تَئی جِتائی اَزابے مَنی ساہ ءِ کَپّ
مَن شَمُشتَگ وَتی نُکس ءُ نَپ، رۆچ شَپ
پہ مَن مِگراز تَئی دُوری ئے سَہت ءُ سال
زِندَگی پہ مَن ءَ مِسلِ گْرانێں وَبال
دِل مَنی لیر لیر، چاک چاک اِنت جَگَر
کَوش چۆ دۆزِہ ءَ ، نۆد چۆ آس ءُ چَر
سْیَہمُج اِنت آزماں، گُلزِمین آڈَہۆر
چِست بَنت سینَگ ءَ سَہگِرێں دَرد ءُ دۆر
بے وَپائی تَئی مارا باوَر نَہ اِنت
اُمر بے آسَر اِنت، چۆ مَکَن شَرّ نَہ اِنت
مَن کہ اَرمانی آں پہ تَوار ءَ تَئی
بْیا کہ بے تَو نَبیت دَردوار ءَ تَئی
<سترُنگ><اِم>مُبارِک کازی