اَمّا مَنی اُو اَمَّلی
مَن شارُل آں مَن شاری آں
مَن ماہَل ءُ مَن سَمُّل آں
تَو گۆں بَداں جَنگ ءَ بِدار
دانکہ تَئی لالا پَدا لۆگ ءَ نَیَیت
دانکہ بَلۆچ اێمِن نَبیت
دانکہ گُہارے تَلوَسیت
مات پہ بَچّاں اِنسِر اَنت
تَو دَم مَبَر، واتَر مَکَن
پَمَّن مَجێڈ اَرسیگ مَبُو
مَن شارُل آں مَن شاری آں
گاماں وَتی تَو کَمّ مَکَن
پُشت ءَ مَچار ءُ چَکپَد مَبُو
بَدواہ بَدێں گۆں لَشکَر ءَ
بے لَجّ ءُ بے گَیرَتے
لَٹشاپ کَنت وَہدے تَرا
مَن پہ تَچاں کایاں پہ تَو
مَن تَئی تَوار باں مُہکَمێں
رۆڈ ءُ دَگّاں مَن بَند کَناں
اَمّا مَنی اُو اَمَّلی
مَن شارُل آں مَن شاری آں۔
<سترُنگ><اِم>داد شاشانی