پہ مَن ءَ سَبزێں اُمێتے، پہ وَت ءَ ماں گیشِّتَگ
گَم تَئی دْرۆہاپے وَہد ءِ شَہرَگ ءَ ماں گیشِّتَگ
تَو مَنی مَیم ءَ را زُرت ءُ بے تَوارا لِکِّت ئے
دِل وَتی وَیرانَگی ئے گِزدَپا ماں گیشِّتَگ
اِے بَزێں مُچّی ءِ نْیام ءَ شِنگِتَگ پَہمَگ نَبیت
تَئی تَوار ءِ بے تَواری چۆ مَن ءَ ماں گیشِّتَگ
مَن تَئی آزمانێں اِشک ءَ کانگَڈَو بال داتَگ اَنت
گُلزِمین چۆ ڈیرَہے ءَ پادَگ ءَ ماں گیشِّتَگ
تَو مَن ءَ اِے شَیر ءُ اِزم ءِ رۆژنائیں رِپک ءُ راہ
یَبَّرے گیشّێنتَگ داتَگ ءُ پَدا ماں گیشِّتَگ
نوں وَت ءَ گۆں دَپ کَپیت ءُ نَئکِہ دُنیا ءَ وَتی
مَرچی ایں مَردُم ھَمِش اِنت کہ چَٹ ءَ ماں گیشِّتَگ
چے کن ئے مَرچاں ھَیال ءُ لَبز مَنی دَست ءَ نَہ اَنت
تَئی سَتا ءِ مۆسُم اِنت تَئی ءُ سَتا ماں گیشِّتَگ
دیگِر ئے ھاشۆمیا چِنت ءُ دُچاپی کَنت اَمیر
بانزُلی تایے کہ گْوات ءِ پَرَّگ ءَ ماں گیشّێنتَگ
<سترُنگ><اِم>اَمیر دۆست