چۆ پہ اَرزانی ءَ تا ایت نَبیت تیر مَنی
دِلجَم ءَ واب مَکَن، واجَہ مَنی میر مَنی
پہ وَتی تَنگَہێں جۆہان ءَ بُشۆہاز، زِرے
اِے زِمین اِنت اِد ءَ ھَر جاگَہ کَپ اَنت، بیر مَنی
پہ مَن ءَ رۆک مَنی آکِبَت ءِ کَندیل اِنت
"مَرچیگێں" دَنز نَکَنت واہَگ ءَ سَہگیر مَنی
بێدِ "زِنداپ" تْرَہیت اِے مَنی اِشک ءِ ھۆشام
وَہد ءِ "تَبداس" نَکَنت ھَمبَلۆ ءَ دیر مَنی
گْرَند یَکّ ڈاہے بِزان ئے کہ شَلیت تُوپانے
پہ تَو یَکّ ھَکَّلے، اِے تَہمبُل ءُ تاہیر مَنی
واجَہ ھَر جاگَہ رَو ئے، راہپَداں گار مَکَن
کہ چۆ تَلک اِنت ھَمُک راہسَر ئے پَدگیر مَنی
اِے دِل ءِ پَہکی اِنت، اِے نییَت ءِ نێکی کہ اَتا
وَت ءَ لێک اَنت مُرید اِے مَزَنێں پیر مَنی
<سترُنگ><اِم>اَتا شاد