ماہ چێر اِنت پَدا
جَمبَرانی تَہا
کَلکَشان ءَ را گِپتَگ مُجاں
ھَر گْوَر ءَ
زِر تَہار اِنت ءُ
چاگِرد واب ءَ شُتَگ
بْرَمش مُرگے نَکَنت
دُور بَسّ یَکّ چِراگے تْرِپیت مێتَگ ءَ
"آدِگے کُلّێں کَندیل اِنسِرتَگ اَنت"
مَن پہ اُمّێت رَہچار
شَپ پُلِّتَگ
گران ءُ دُوراسَرێں پِگرے ءَ کَپتَگاں
کانچ ءِ لَیبُوک ءِ پَیم ءَ تَہا پْرُشتَگاں
پَہک دَمبُرتَگ آں
مَن تَسَلّا دَیاں
دِل نَمَنّیت بلے
دِل نَمَنّیت کہ تَو بَدزُبانی کُتَگ
مَن داں سُہبا وَدار ءَ تَئی نِشتَگاں
تَو نَیاتک ئے وَتی وادَہانی پَدا
<سترُنگ><اِم>مُبارِک کازی