نێمشَپی پاساں مَن دِل ءَ اوماں کَناں
بے تْرَہێں دَردانا مَزَن جی ءُ جاں کَناں
چے دِگِہ تَئی اِشک ءِ پَکیرانی مال ءُ مَت
اِے وَتی اَرساں تَئی سَر ءَ زَرشاں کَناں
پہ تَئی اِشک ءِ داتَگێں زَیم ءِ آزَگ ءَ
گۆں وَتی بَدواہاں رَواں دیواں کَناں
سَد بَراں زَہراں وَراں اَنگَت زِندَگ آں
تَئی زَہیر وارتَگ زِندَگێں مَرکاں کَناں
بے وَسێں زِند ءُ بے وَسێں بَہت ءِ چے گُناہ
ما گَنۆک آں کہ زْیادَہێں اَرماں کَناں
بے نَوا زِند اِنت اُو مَنی شاتێں ھَمبَلۆ
وَت وَت ءَ گْرێواں وَت وَت ءَ وَشّاں کَناں
<سترُنگ><اِم>اَتا شاد