دِل چَہ گَنۆکی ءَ گۆں ھَیالاں کُج ءَ شُتَگ
زاناں چَہ کَٹّ ءُ کار ءُ چَہ بُود ءُ رُجا شُتَگ
مئے مُجَّتی دَوار بَہِشتێں کہ پیرُکێں
پہ لِزَّتے پہ تامے ءَ تَتکَگ کُج ءَ شُتَگ
کۆلِنج بیت مَن ءَ کہ مَنی شۆدَگ ءِ سَر ءَ
مُلا گُشیت کہ کاپِرے مَرگ ءَ نُجا شُتَگ
کَوسَر کہ آپ یا شَربَت پَہکێں شارَب شیر
مُولا ئے کَور اِنت نام ءُ تَوار ئِے مُج ءَ شُتَگ
بانگوَہ پہ جاہے ءَ اِنت، بے گَہ پہ جاہے ءَ
گیوار رَستَگ مینُل ءَ /مَینُلا زُلپ ئِے دُجاہ شُتَگ
کاڈے دِل ءِ پہ مَوجے ءَ جُستے دَپی کُتَگ
گِند ئے کَریم دَشتی ءَ کَٹّ ءُ رُجا شُتَگ
<سترُنگ><اِم>کَریم دَشتی
<اِم>25 سَتَمبَر 1983 بَرۆدا (وَدۆرَدا)، اِنڈیا