تَو بِزان ءُ سَہت سَہت ءَ سَمبَہَگ
ما کہ ھێلدار پہ زَہیر ءُ زَنزَرَگ
تَو پہ دْرۆہَگ باجُو ءَ باجے بِبَر
پہ ما اَیب اِنت راہ ءِ نێم ءَ دَم بَرَگ
شَرّ زاناں مَن بلے گُنگ اِنت زُباں
شات نَبیت مارا تَئی نام ءِ گِرَگ
کَیپ بات اِنت شَپ بِبات اِنت ماہِکاں
مارا سَوگِند دانکہ سُہبا اِنسِرَگ
ھار اَرسێں دیدَگانی مئے بَشیر
زِندَگ آں جَزم آں نَزان اَنت سَنگَرَگ
<سترُنگ><اِم>بَشیر بێدار