Bágáni Kapódar Sabzén

Mollá Pázol March 4, 2025 96 views

Bágáni kapódar sabzén
Tutizémer o wazhlabzén

Ehwálán bebar wasshénán
É hattán kalamkasshénán
Esrárán morádbakshénán
Bandesh bánzolán nakshénán

Gwash gón kahrabáén hangá
Dábáni golén mahrangá
Parchá neshtagay deltangá
Sáz ay chó gwashókén changá

Harwahd dáb kant nódi shal
Gandimgónagén garki tal
Estin o payápén tróngal

Rahm kan shapcherág srádáni
Ganj o kimati nyádáni
Kawlig án tai pádáni

Ásigon makan dordánag
Pahkén ashrapiay chánag
Báládet kotag déwánag

Dóshi shap bozerg o pákén
Dorrén hattali simsákén
Máhay dahchahár bébákén
Drapshókén sohayl jabrákén

Shap mán áherá lonj bit
Pornurén sahar ganj bit

Armán pa wati chamróká
Neshtag hamsaráni tóká
Borwány kamand ant nóká
Dágán dant delay bandóká

Gósh kan oo jenekk mahdémén
Lassáhén behán nókzénén

Dóshi neshtagay bésárá
Sar gón zarnebeshtén shárá
Garden gránbaháén hárá
Bakshátag tará sattárá

Mollá Pázol

Hamrangén nebeshtag