Taw Bárén Mosáper Ché Distag?

Monir Mómen January 13, 2025 54 views

Chón gwast tai é gránén sapar, taw bárén mosáper ché distag
Má dist edá diwál na dar, taw bárén mosáper ché distag

Ótág sedán ant óstáni, taw hál nageptag dóstáni
Kágad na koloh kásed na napar, taw bárén mosáper ché distag

Má hakkay zahmén ráh distag, má drógay rókén máh distag
Má shayr kotag har rástén habar, taw bárén ché distag

Man mast kotag é koll emróz bé chang o rabáb bé sáz o soróz
Ché bitag bárén tai ásar, taw bárén mosáper ché distag

Má pollán twáné bakshátag bégwáhán nesháné bakshátag
Má áp kotag har kóhén jagar, taw bárén mosáper ché distag

É del gón zahirán kabr kotag, hecchi ke nabutag sabr kotag
Nehádiá shotag may pekr o honar, taw bárén mosáper ché distag

Bé rasm o rawáj o dód shotén, har paym zemin at ród shotén
Médhént modám má seng o sar, taw bárén mosáper ché distag

Monir Mómen

Hamrangén nebeshtag