Ás wati o ges wati, seng wati o sar wati
Zaymén delá kojá barán, tir wati jagar wati
Zaymén delá kojá barán, tir wati jagar wati
Kénag o kastay jambar ent, napt shalit o hár kant
Wáay gedánay neshtagén! gwátá kanay separ wati
Wáay gedánay neshtagén! gwátá kanay separ wati
Áhen pa ás móm bit, áp nabit del tai
Oo mani mehray washnayatk! Byá wáhagán bebar wati
Oo mani mehray washnayatk! Byá wáhagán bebar wati
Sit pa jang shakkal ent, wat pa watay badal naent
Rostomay syáliá maraw, gorzá makan gazar wati
Rostomay syáliá maraw, gorzá makan gazar wati
“Muláay shahjuá begend, gir ár, tall o tázián”
Chákaray hárén góromá malletag kahchar wati
Chákaray hárén góromá malletag kahchar wati
Byá pa zeminay ákebat, kóhén sarán kanán katár
Dozhmenay hawrá mán sará hár kotag honar wati
Dozhmenay hawrá mán sará hár kotag honar wati
Del ke sochit agán Atá shirkenén gál zahr bant
Má tai hayálay sáheg án, márá malék “dar” wati
Má tai hayálay sáheg án, márá malék “dar” wati
