Dánke jal mán tai daryáén delá ách nabit
Pa tai bánórá golén, tangahén pardách nabit
Barjamén! Mangehén mardán gón bazén diwáné
Deljamén kár pa eshtápén tag o tách nabit
Abram o abadmi sassá o samá sechkán ant
Mojjati mangehay darwar tai wassách nabit
Zenday máhór agán labbay nehengán dertag
Pa bagay ámagén bandiky satar srách, nabit
Dánke bóhériay ásá nasochit tangahén del
Hir o árip o gehén wáhagay ámách nabit
Dánke pa Sammián pédák nabit Dódáé
Pa tai Dódáyán kadi bérgerén Bálách nabit
Sohbatá ér makap rahgwazi siray dohlán
Marg o salónkiá tai cháp nabit nách nabit
Bóski bósag o shishárén samárán shárén
Bénasib bátay agán gón taw sagár mách nabit
Wáhagay angarán chó sótkag o por kortag
Ke Sayad mortag bale shódag o ardách nabit
2 Nawambar 1972